पंढरपूर - करकंब रस्त्यावर भाविकांच्या वाहनाला अपघात !

पंढरपूर : सलग दुसऱ्या दिवशी वारकऱ्यांच्या वाहनाला अपघात झाला असून पंढरपूरजवळ आज झालेल्या अपघातात २० वारकरी जखमी झाले आहेत तर यातील १३ वारकरी गंभीर जखमी असून (Accident to devotee's vehicle ) दोघांची प्रकृती अधिक गंभीर असल्याची माहिती मिळत आहे.

काल पंढरपूरची चैत्र एकादशी होती आणि काल सकाळीच एका अपघाताची घटना समोर आली होती. तळेगाव दाभाडे येथील भाविक एक पिकअप वाहन घेवून एकादशीच्या दर्शनासाठी पंढरपूरला येत असताना पिराची कुरोली येथे या वाहनाला अपघात झाल्याची दुर्दैवी घटना घडली होती. चालकाला झोप लागल्याने हा अपघात झाला होता. त्याआधी तुळजापूर तालुक्यातून येणाऱ्या भाविकांच्या वाहनाला अपघात होऊन सहा भाविक मृत्युमुखी पडल्याची घटना घडली होती आणि आज पुन्हा पंढरीतून चैत्र एकादशीचा सोहळा आटोपून परत आपल्या गावी निघालेल्या भाविकांच्या वाहनाला अजोती पाटी येथे अपघात होऊन जवळपास २० भाविक जखमी झाले आहे तर यातील दोन भाविक गंभीर जखमी आहेत.

औरंगाबाद जिल्ह्यातील नारायणपूर येथील वारकरी छोटा हत्ती (एम एच ४१ ए यु ३०८०) घेवून पंढरपूरच्या चैत्र वारीसाठी आलेले होते. एकादशीचा सोहळा साजरा करून हे भाविक त्याच छोटा हत्ती मधून परत आपल्या गावी निघाले होते. पंढरपूरपासून जवळच टेंभुर्णी मार्गावर अजोती पाटीजवळ व्हटे वस्तीजवळ भाविकांच्या वाहनाला भरधाव वेगातील एका टँकरने धडक दिली त्यामुळे हा अपघात झाला आहे. टँकरने जोराची धडक दिल्यानंतर छोटा हत्ती पलटी होऊन २० वारकरी जखमी झाले. या वाहनातून २५ वारकरी परतीचा प्रवास करीत असल्याचे समजते .

या अपघातात जखमी झालेल्या भाविकांना तातडीने पुढील उपचारासाठी रुग्णालयात दाखल करण्यात आले आहे. पंढरपूर येथील उप जिल्हा रुग्णालयात या जखमींना हलविण्यात आले परंतु यातील गंभीर जखमी असलेल्या १३ भाविकांना सोलापूर येथील शासकीय रुग्णालयात उपचार घेण्यासाठी पाठविण्यात आले आहे. (Accident Pandharpur - Karakamb road) या जखमीतील दोन जखमीची प्रकृती गंभीर असल्याचे सांगण्यात येत आहे.

✪ ठळक घडामोडी ✪ ✪➤अपघात : पंढरपूर चैत्र वारीवरून परत निघालेल्या भाविकांच्या वाहनाला पंढरपूरजवळ अपघात ! ✪➤ मनसे अध्यक्ष राज ठाकरे यांच्या विरोधात गुन्हा दाखल !✪➤➤ रस्त्यावर थरार .. टेंभुर्णीजवळ पेटला तोफा, फटाके घेवून जाणारा ट्रक ! ✪➤ राष्ट्रवादी काँग्रेसचे नेते धनंजय मुंडे यांना हृदयविकाराचा झटका आलेला नसल्याची उप मुख्यमंत्री अजित पवार यांची माहिती !! ✪➤ अनेक शहरात पेट्रोलचे दर १२० रुपयांच्याही पुढे ! ✪➤ महाष्ट्राच्या राजकीय व्यासपीठावर नवा जॉनी लिव्हर जन्माला आला - जितेंद्र आव्हाड यांची राज ठाकरे यांच्यावर टीका ! ✪

कालची बातमी !

पंढरपूर : चैत्र एकादशीनिमित्त पंढरीला येत असलेल्या वारकऱ्यांच्या वाहनाला अपघात होऊन एकोणीस वारकरी जखमी झाले आहेत तर अकरा वारकरी या अपघातात (Pandharpur Accident)गंभीर जखमी झाले आहेत.

अपघाताचे प्रमाण सगळीकडेच वाढते असून रोज अनेक अपघात होताना दिसत आहेत. त्यात पंढरपूर येथे विठ्ठल दर्शनासाठी येत अथवा दर्शन घेवून परत आपल्या गावी जाताना होणारे अपघात चिंताजनक ठरू लागले आहेत. नुकताच सोलापूरजवळ भाविकांच्या वाहनाला अपघात होऊन तुळजापूर तालुक्यातील सहा भाविक मृत्युमुखी पडल्याची दुर्दैवी घटना घडली होती आणि आज पुन्हा पंढरपूर तालुक्यातील पिराची कुरोली येथे भाविकांच्या वाहनाला अपघात होऊन १९ वारकरी जखमी झाले असून यातील ११ वारकरी गंभीर जखमी झाले आहेत. चैत्र एकादशीच्या (Chitra wari, Pandharpur Vitthal Darshan) विठुरायाच्या दर्शनाऐवजी त्यांना रुग्णालयात दाखल करण्याची वेळ आली आहे.

पुणे जिल्ह्यातील मावळ तालुक्यातील तळेगाव दाभाडे येथील काही भाविक पिकअप वाहन घेवून चैत्र एकादशीच्या निमित्ताने पंढरपूरकडे येत होते. पंढरपूरपासून काही अंतरावर आल्यानंतर हे वाहन महावितरणच्या उच्च दाबाच्या खांबावर जावून धडकले आणि हा अपघात झाला. पंढरपूरला येण्यासाठी हे भाविक रात्रीच निघालेले होते आणि पहाटेच्या दरम्यान पिराची कुरोली हद्दीत आले होते. चालकाला झोप लागल्याने त्याचे वाहनावरील नियंत्रण सुटले आणि पिकअप जाऊन ३३ के व्ही च्या विद्युत वाहिनीच्या खांबावर जाऊन आदळले. अर्धवट झोपेत असलेले १९ वारकरी यात जखमी झाले असून ११ गंभीर जखमी झाले आहेत. जखमींना उपचारासाठी सोलापूर येथे हलविण्यात आले असल्याची माहिती आहे.

राज्य परिवहन महामंडळाच्या कर्मचाऱ्यांचा संप सुरु झाल्यापासून एस टी ची उपलब्धता नसल्याने वारकरी ट्रॅक्टर, पीकअप अशा वाहनाचा उपयोग करून पंढरपूरला येत आहेत आणि अपघात होऊ लागले आहेत. तुळजापूर तालुक्यातील भाविक देखील ट्रॅक्टर घेऊन पंढरपूरला येत असताना अपघात झाला होता आणि आज पीकअप वाहनाचा अपघात झाला. सकाळच्या सुमारास पंढरपूर येथे पोहोचून चंद्रभागा स्नान आणि दर्शन आटोपून परत जाण्याच्या इराद्याने हे भाविक रात्रीच तळेगाव दाभाडे येथून निघाले होते. रात्रीचा प्रवास असल्याने पहाटेच्या सुमारास चालकाच्या डोळ्यावर आलेल्या झोपेने हा अपघात घडला. (Devotees injured in an accident near Pandharpur) रस्ते चकाचक झालेले असल्याने वाहनाचा वेग देखील वाढला आहे. भाविकाने वाहन सरळ मोठ्या खांबावर आदळले त्यामुळे भाविकांना जोराचा मार लागलेला आहे.

हे देखील वाचा :