कुस्तीच्या सरावाने पंढरीतील पैलवानाचा मृत्यू !

 

✪ मोठी बातमी !✪ राष्ट्रवादीचे नेते आणि राज्याचे माजी गृहमंत्री अनिल देशमुख यांना जामीन मंजूर ....... ईडीकडून करण्यात आली होती अटक ... राष्तावादीत जल्लोष ! !

शोध न्यूज : कुस्तीचा सराव केल्यानंतर त्रास होऊन पंढरपूर येथील पैलवानाचा कोल्हापूर येथे मृत्यू झाल्याची धक्कादायक आणि दुर्दैवी घटना घडली असून कुस्ती विश्वावर शोककळा पसरली आहे. 

पंढरपूर तालुक्यातील वाखरी येथील शेतकऱ्याचा मुलगा कोल्हापूर येथे कुस्तीच्या सरावासाठी गेला होता. राज्यातून अनेक तरुण कुस्तीत करियर करण्याच्या हेतून कोल्हापूर येथे जाऊन नामांकित मल्ल्लाच्या मार्गदर्शनाखाली कुस्तीचा सराव करतात परंतु पंढरपूर तालुक्यातील एका तरुणाला कुस्तीचा सराव केल्यानंतर मृत्यू आल्याचे समोर आले आहे. वाखरी येथील मारुती सुरवसे या पैलवानाने रात्री कुस्तीचा सराव केला आणि त्यानंतर अंघोळ करीत असताना त्याच्या छातीत दुखायला लागले. मारुतीला तातडीने रुग्णालयात दाखल करण्यात आले परंतु दुर्दैवाने त्याच्यावर उपचार सुरु असताना त्याचा मृत्यू झाल्याची घटना घडली. हा मृत्यू हृदय विकाराने झाल्याचे स्पष्ट झाले आहे.

पंढरपूर तालुक्यातील होतकरू २३ वर्षाच्या या पैलवानाचा अशा प्रकारे अकाली मृत्यू झाल्याने पंढरपूर तालुक्यात शोक व्यक्त करण्यात येत आहेच परंतु कुस्ती विश्वाला देखील हादरा बसला आहे. अलीकडे व्यायाम केल्यानंतर अथवा व्यायाम सुरु असतानाच हृदयविकाराचा झटका येण्याचे आणि त्यात मृत्यू होण्याचे प्रमाण वाढलेले आहे.(Death of wrestler from Pandhari during wrestling practice) व्यायाम करणे देखील धोक्याचे ठरू लागले असून अशाच प्रकारे मारुती सुरवसे याचाही मृत्यू झाला आहे. या घटनेने कोल्हापूर आणि पंढरपूर येथे प्रचंड हळहळ व्यक्त होऊ लागली आहे.

• अधिक बातम्यांसाठी येथे क्लिक करा !