सांगोला : आठ दिवसात जानकरवस्ती येथे सिंगल फेज ट्रान्सफार्मर न बसविल्यास महावितरण कार्यालयास टाळे ठोकण्याचा सणसणीत इशारा माजी नगरसेवक सतीश सावंत यांनी दिला आहे.
अलीकडे महावितरण हे सतत वादात सापडत असून शेतकरी आणि नागरिक यांच्या तक्रारी सतत सुरु असतात. कुठल्याही कामासाठी आंदोलनाचे इशारे द्यावे लागतात अथवा आंदोलने करावी लागतात अशी परिस्थिती निर्माण झाली आहे. अशाच प्रकारे सांगोल्यात देखील महावितरण कार्यालयास टाळे ठोकण्याचा इशारा देण्याची वेळ आली आली असून महावितरणने इशारा दुर्लक्षित केला तर पुन्हा आंदोलनाची वेळ येणार असल्याचे दिसत आहे. सांगोला शहरातील रेल्वे रेल्वे रुळाच्या पश्‍चिमेकडील जानकर वस्ती ते गेली अनेक वर्षे सिंगल फेज लाईट नसल्यामुळे या भागातील नागरिकांना अंधाराचा सामना करावा लागत आहे हा सिंगल फेज चा ट्रान्सफार्मर आठ दिवसाच्या आत न बसवल्यास महाराष्ट्र राज्य वीज वितरण कंपनीच्या कार्यालयाला टाळे ठोकणार असल्याचा इशारा माजी नगरसेवक सतिशभाऊ सावंत यांनी दिला आहे.
सांगोला शहरातील जानकर वस्ती येथे सिंगल फेज लाईट ची अनेक वर्षांपासून मागणी होत आहे गेली पाच-सहा वर्षापासून सातत्याने पाठपुरावा करून सोलापूर जिल्हा नियोजन समितीमधून हा सिंगल फेज ट्रांसफार्मर मंजूर करून घेऊन ठेकेदाराला वर्कऑर्डरही दिली आहे. महाराष्ट्र राज्य वीज वितरण कंपनीकडे वारंवार तक्रारी करून व संबंधित अधिकार्‍यांना समक्ष भेटून ही अधिकारी दखल घेत नाहीत त्यामुळे या भागातील नागरिकांना अंधाराचा सामना करावा लागत आहे. या भागात ग्रामीणप्रमाणे विद्युत पुरवठा होत आहे. या भागातील नागरिकांचे घरातील बल्ब, फ्रीज, कुलर, टी.व्ही. पंखे आदी विद्युत उपकरणांना कमी दाबाने विद्युत पुरवठा होत असल्याने जळत आहेत. त्यामुळे नागरिकांचे लाखो रूपयांचे नुकसान होत आहे असे सावंत यांनी म्हटले आहे.
गेल्या अनेक वर्षांपासून या परिसरातील नागरिक सिंगल फेज विद्युत पुरवठ्याची मागणी करीत आहेत परंतु तसा पुरवठा केला जात नाही आणि मागणीची दखलही घेतली जात नाही. शहराप्रमाणे वीज पुरवठा करण्यात यावा अशी मागणी या भागातील नागरिकांची आहे आठ दिवसाच्या आत महाराष्ट्र राज्य वीज वितरण कंपनीने गंभीर दखल घेऊन जानकर वस्ती चा सिंगल फेज चा ट्रांसफार्मर न बसवल्यास महाराष्ट्र राज्य वीज वितरण कंपनीच्या कार्यालयाला नागरिकांना घेऊन टाळे ठोकणार असल्याचा इशारा आता माजी नगरसेवक सतीश भाऊ सावंत यांनी दिला आहे.
हे देखील वाचा :
अधिक बातम्यांसाठी येथे क्लिक करा !
कोणत्याही टिप्पण्‍या नाहीत:
टिप्पणी पोस्ट करा
आपल्या प्रतीसादाबद्धल धन्यवाद !