पंढरपूर : पंढरपूर पत्रकार संघ सदैव सक्रीय असून संघातील पत्रकारांच्या समस्यांचे निराकरण करण्यासाठी सदैव प्रयत्नशील राहू अशी ग्वाही पत्रकार संघाचे नूतन अध्यक्ष रवींद्र लव्हेकर यांनी दिली.
पंढरपूर पत्रकार संघाच्या अध्यक्षपदी टी.व्ही.9 चे प्रतिनिधी रवींद्र लव्हेकर यांची तर कार्याध्यक्षपदी झाकीर नदाफ आणि सचिवपदी सचिन कांबळे यांची सर्वानुमते निवड करण्यात आली. पत्रकार संघाच्या अध्यक्षपदी निवड झाल्यानंतर नूतन अध्यक्ष रवींद्र लव्हेकर बोलत होते. पत्रकार संघाचे संस्थापक अध्यक्ष हरिभाऊ प्रक्षाळे यांनी पत्रकार संघासाठी सदैव परिश्रम घेतले आहेत. संघाच्या माध्यमातून सतत विविध उपक्रम राबविण्याचा त्यांचा कायम प्रयत्न असतो. आपणही अध्यक्षपदाच्या काळात पत्रकार संघाचे वैभव वाढविण्याचा प्रयत्न करू तसेच पत्रकारांच्या हिताचे विविध उपक्रम राबविण्यात प्राधान्य देऊ. पत्रकारांच्या समस्या सोडविण्यास सतत प्राधान्य देण्याचा प्रयत्न करू अशी ग्वाही लव्हेकर यांनी दिली.
पंढरपूर पत्रकार संघाचे संस्थापक अध्यक्ष हरिभाऊ प्रक्षाळे यांच्या अध्यक्षतेखाली पत्रकार भवनात झालेल्या बैठकीत नूतन कार्यकारिणीची घोषणा करण्यात आली. पत्रकार संघाचे मार्गदर्शक अशोक गोडगे, अनिरुद्ध बडवे, राजाभाऊ शहापूरकर, माजी अध्यक्ष अभिराज उबाळे, विकास पवार, यांच्या मार्गदर्शनाखाली या कार्यकारीणीची निवड करण्यात आली. या नव्या निवडीत पत्रकार संघाच्या उपाध्यक्षपदी संजय कोकरे, माऊली डांगे, सचिवपदी सचिन कांबळे, सहसचिव समाधान भोई, खजिनदार दगडू कांबळे, प्रसिद्धीप्रमुख राजू मिसाळ यांची निवड करण्यात आली आहे. सदस्यपदी महेश कदम, गणेश महामुनी, सागर आतकरे, विक्रम कदम, नवनाथ खिलारे, राजू बाबर, अपराजित सर्वगोड, यशवंत कुंभार,प्रितम पंडित, प्रताप वाघ, गोपीनाथ देशमुख, रमजान मुलांनी, बालम मुलांनी, हेमंत यादव, विठ्ठल जाधव, यांची सर्वानुमते निवड करण्यात आली. खेळीमेळीच्या वातावरणात पंढरपूर पत्रकार संघाची कार्यकारिणी व पदाधिकाऱ्यांची निवड करण्यात आली आहे. नूतन अध्यक्ष आणि पदाधिकारी यांचे पत्रकार संघातील अन्य सदस्यांनी अभिनंदन करून शुभेच्छा दिल्या.
कोणत्याही टिप्पण्‍या नाहीत:
टिप्पणी पोस्ट करा
आपल्या प्रतीसादाबद्धल धन्यवाद !