सोलापूर : सोलापूर - विजयपूर रस्त्यावर झालेल्या अपघातात चौघांचा जागीच मृत्यू झाला आहे तर एका जण जखमी झाला आहे. महामार्गावरील पुलावर कार आदळून हा भीषण अपघात झाला आहे.
विजयपूरकडून सोलापूरकडे येत असलेली कार विजयपूर महामार्गावरील नवीन कवठे बायपास हाय वे ब्रिजला जोरात धडकली आणि कार मधील चौघे तरुण जागीच ठार झाले. कर्नाटक मधील सिंदगी तालुक्यातील यरकल केंडी येथील अरुणकुमार लक्ष्मण (वय २१), महिबूब मोहम्मद अली मुल्ला (वय १८), फिरोज सैफासब शेख (वय २०), मुन्ना केम्भावे (वय २१) हे चार तरुण या अपघातात ठार झाले आहेत. कारमधील आणखी एक जण गंभीर जखमी झाला आहे. अपघातग्रस्ताना सलगर वस्ती पोलिसांनी उपचारासाठी रुग्णालयात हलविण्यात आले होते पण उपचार मिळण्यापूर्वीच त्यांचा मृत्यू झाला होता. एका जखमीवर मात्र उपचार सुरु आहेत.
अपघातग्रस्त कार ही सिंदगी येथून पुण्याकडे निघाली होती पण कवठा बायपास ब्रिजला कारने जोराची धडक दिली आणि हा भीषण अपघात झाला. चालकाला झोप अनावर झाल्याने हा अपघात घडला असण्याची शक्यता व्यक्त होत आहे. सदर अपघाताची नोंद सिव्हील चौकीत करण्यात आली आहे. नवीन रुंद रस्ते आणि रस्त्यांची कामे यामुळे गेल्या वर्षभरात अनेक अपघात झाले आहेत. वेगवेगळ्या प्रकारच्या अपघातात अनेकांना आपला जीव गमवावा लागला आहे.
मोठी बातमी > आमदार गोपीचंद पडळकर यांच्यावर फसवणुकीचा गुन्हा !
कोणत्याही टिप्पण्‍या नाहीत:
टिप्पणी पोस्ट करा
आपल्या प्रतीसादाबद्धल धन्यवाद !